ЕСИ НЕЛИС

За Организацијата

За нас

Општество без бариери, достапно, отворено и рамноправно.

Здружението за европска социјална инклузија ЕСИ НЕЛИС е невладина и непрофитна организација со седиште во Скопје, која работи на унапредување на социјалната инклузија, еднаквите можности и квалитетот на живот на лицата со попреченост, слепи и слабовидни лица, постари лица, како и други ранливи и маргинализирани групи.

ЕСИ НЕЛИС делува како мрежа за поддршка, знаење и развој на инклузивни услуги, со фокус на јакнење на индивидуалните капацитети, пристап до образование, информации и социјални сервиси, како и активно учество во заедницата. Нашиот пристап е заснован на човекови права, еднаквост, достоинство и активно вклучување на корисниците во процесите што директно ги засегаат.

Нашата мисија е да придонесеме кон создавање на инклузивно општество во кое секој поединец, без разлика на попреченоста, возраста или социјалниот статус, има реална можност за личен развој, учење, економска и социјална активност. Преку развој и унапредување на инклузивни програми, сервиси и јавни иницијативи, работиме на намалување на бариерите и нееднаквостите во секојдневниот живот.

Организацијата активно соработува со локални самоуправи, јавни институции, образовни установи, граѓански организации и меѓународни партнери, со цел заедничко креирање и спроведување политики, програми и практични решенија што го подобруваат квалитетот на живот и ја промовираат социјалната кохезија и еднаквоста.

ЕСИ НЕЛИС се залага за долгорочни и одржливи решенија, засновани на реалните потреби на заедницата и активно учество на самите корисници, со цел создавање поинклузивна и поправедна општествена средина.

Нашата мисија

Мисијата на ЕСИ НЕЛИС е да придонесува кон создавање инклузивно и правично општество во кое сите луѓе, без разлика на нивните индивидуални карактеристики, попреченост, возраст или социјален статус, имаат еднаков пристап до образование, можности за вработување и активно учество во општествениот и јавниот живот.

Преку развој и имплементација на инклузивни програми, поддршка и услуги засновани на реалните потреби на заедницата, организацијата работи на отстранување на системските и општествените бариери кои го ограничуваат целосното учество на ранливите групи.

ЕСИ НЕЛИС ја остварува својата мисија преку јакнење на индивидуалните капацитети, унапредување на пристапноста, поттикнување на еднаквост и промовирање на вредности на солидарност, достоинство и активно граѓанство, со цел секој поединец без разлика на попреченоста, има можност за самостоен развој и квалитетен живот во заедницата.

Наши активности

Програма за лична асистенција

Обезбедуваме сертифицирани обуки за индивидуализирана поддршка за слепи, слабовидни лица и лица со попреченост со цел поголема самостојност и квалитет на живот. Нашите асистенти помагаат во секојдневни активности, ориентација и мобилност, пристап до услуги, административни постапки, вклучување во образовни и социјални активности и активно учество во заедницата.

Едукација, обуки и информирање

Организираме обуки, работилници, семинари и информативни сесии насочени кон подигнување на јавната свест и јакнење на капацитетите на лицата со попреченост, нивните семејства, институциите и професионалците. Темите опфаќаат човекови права, пристапност, недискриминација, инклузивни политики, асистивни технологии, самозастапување и практични знаења за секојдневно функционирање.

Развој на заедницата и инклузивни иницијативи

Спроведуваме програми и активности што ја градат солидарноста, ја поттикнуваат инклузијата и го зајакнуваат чувството на припадност. Работиме на заеднички иницијативи со локалната заедница, граѓански организации и институции за промовирање на еднакви можности, волонтерска поддршка, културна и спортска инклузија, како и активности за унапредување на пристапноста во јавниот простор.